ஈது பெருநாள் நல்வாழ்த்துகள்

இந்தியாவுக்கு 100 வது டெஸ்ட் வெற்றி ; நம்பர் ஒன் இடத்தை பிடித்தது

கான்பூர் டெஸ்டில் ஹர்பஜன் சிங், பிரக்யான் ஓஜா சுழலில் அசத்த, இந்திய அணி இன்னிங்ஸ் மற்றும் 144 ரன்கள் வித்தியாசத்தில் இலங்கை அணியை வீழ்த்தியது. இதையடுத்து டெஸ்ட் தொடரில் 1-0 என இந்தியா முன்னிலை பெற்றது. இதன் மூலம் சர்வதேச டெஸ்ட் ரேங்கிங்கில் இந்திய அணி முதன் முறையாக முதலிடத்தை பிடித்துள்ளது. இந்தியா வந்துள்ள இலங்கை அணி மூன்று டெஸ்ட் போட்டிகள் கொண்ட தொடரில் பங்கேற்று வருகிறது.
ஆமதாபாத்தில் நடந்த முதல் போட்டி "டிரா' ஆனது. இரண்டாவது டெஸ்ட் கான்பூரில் நடந்தது. இதில் சேவக், காம்பிர், டிராவிட் ஆகியோர் பேட்டிங்கில் அசத்தி சதம் அடிக்க, இந்திய அணி முதல் இன்னிங்சில் 642 ரன்கள் குவித்தது. பின்னர் பவுலிங்கில் ஸ்ரீசாந்த்தின் "மிரட்டலான' வேகத்தில் அதிர்ந்துபோன இலங்கை அணி முதல் இன்னிங்சில் 229 ரன்களுக்கு ஆல் அவுட்டாகி, "பாலோ-ஆன்' பெற்றது. மூன்றாம் நாள் ஆட்டநேர இறுதியில், இலங்கை அணி இரண்டாம் இன்னிங்சில் 4 விக்கெட் இழப்புக்கு 57 ரன்கள் எடுத்து 356 ரன்கள் பின்தங்கியிருந்தது.
சமரவீரா ஆறுதல்: இன்று ( 24 ம் தேதி ) நான்காம் நாள் ஆட்டம் நடந்தது. போட்டி துவங்கிய சிறிது நேரத்தில் மாத்யூஸ் (15) வெளியேறினார். பின் பிரசன்னா (29), ஹெராத் (13), முரளிதரன் (29) அடுத்தடுத்து ஆட்டமிழந்தனர். மறுமுனையில் உறுதியான ஆட்டத்தை வெளிப்படுத்திய சமரவீரா அரைசதம் கடந்து ஆறுதல் அளித்தார்.
இன்னிங்ஸ் வெற்றி: ஒன்பதாவது விக்கெட்டுக்கு 73 ரன்கள் சேர்த்த நிலையில் மெண்டிஸ் (27), யுவராஜிடம் சிக்கினார். பின் வந்த வெலகேதராவை ஓஜா (4) சுழலில் அவரிடமே "கேட்ச்' கொடுத்து திரும்பினார். சமரவீரா (78) ஆட்டமிழக்காமல் இருந்தார்.
இலங்கை அணி இரண்டாவது இன்னிங்சில் 269 ரன்களுக்கு ஆல் அவுட்டாகி, இன்னிங்ஸ் மற்றும் 144 ரன்கள் வித்தியாசத்தில் தோல்வியடைந்தது. இந்தியா சார்பில் ஹர்பஜன் 3, பிரக்யான் ஓஜா 2 விக்கெட்டுகள் வீழ்த்தினர். ஆட்டநாயகனாக இந்தியாவின் ஸ்ரீசாந்த் தேர்வு செய்யப்பட்டார்.

"நம்பர்-1' இந்தியா: இலங்கைக்கு எதிரான கான்பூர் டெஸ்ட் வெற்றியின் மூலம் இந்திய அணி சர்வதேச டெஸ்ட் ரேங்கிங்கில் முதன் முறையாக முதலிடத்துக்கு (122) முன்னேறி அசத்தியுள்ளது. அடுத்த இடத்தில் சிறிய வித்தியாசத்தில் தென் ஆப்ரிக்காவும் (122), மூன்றாவது இடத்தை இலங்கை (117) அணியும் பெற்றுள்ளது.
100வது வெற்றி : இந்திய அணியின் டெஸ்ட் வரலாற்றில் கான்பூர் வெற்றி, 100 வது வெற்றியாக அமைந்துள்ளது. இதன் மூலம் டெஸ்ட் போட்டிகளில் 100வது வெற்றி பெற்றுள்ள அணிகள் வரிசையில் இந்திய அணி 6 வது இடத்தை பிடித்துள்ளது.

Source:Dinamalar

இமயமலை உருகுதா... அரசு விளக்கம்

உலக வெப்பமயம் பிரச்னையால் இமயமலையிலுள்ள பனிப் பாறைகள் உருகவில்லை என்று புதிய தகவலை அளித்துள்ளது மத்திய அமைச்சகம். ஜெய்ராம் ரமேஷ் அமைச்சராக உள்ள மத்திய சுற்றுச்சூழல் அமைச்சகம், சமீபத்தில் ஒரு அறிக்கையை வெளியிட்டுள்ளது. அதில் கூறப்பட்டிருப்பதாவது: உலக வெப்பமயமாதலால், இமயமலையில் உள்ள பனிப்பாறைகள் உருகுவதாக சொல்கின்றனர். அதற்கான ஆதாரம் எதுவும் இதுவரை கிடைக்கவில்லை. உருகும் பனிப்பாறைகள் மீண் டும் ஒன்று சேர்ந்து உருவாகிவிடுகின்றன.

குறிப்பாக சியாச்சின், கங்கோத்ரி பகுதிகளில் இப்படித் தான் நடக்கிறது. அதனால், இமயமலை உருகிவிடும் என்று கவலை கொள்ள வேண்டியதில்லை.முதலில் வெப்பத்தால் சுருங்கி உருகும் பனிப்பாறைகள், பிறகு அப்படியே பழைய நிலைக்குத் திரும்பி விடுகின்றன. சில ஆண்டு காலமாக அலாஸ்கா மற்றும் கிரீன் லாந்தில் ஏற்பட்டுள்ள பனிப்பாறைகள் உருகுவது போன்ற ஆபத்தான நிலை இமயமலையில் இல்லை.

இருப்பினும், பனிப்பாறைகளின் நிலைமை சொல்லத்தக்கதாகவும் இல்லை. இந்த இரண்டுங் கெட்டான் நிலை, உலக வெப்பமயம் பற்றிய எச்சரிக்கை மணி என்றே நாம் கொள்ள வேண்டியதிருக்கிறது.இவ்வாறு அந்த அறிக்கையில் தெரிவிக்கப்பட்டுள்ளது.
அறிக்கையைத் தயாரித்த இந்திய நிலவியல் ஆய்வகத்தின் இயக்குனர் டாக்டர் ரெய்னா கூறுகையில்,"நாம் கண்காணித்த வரையில் பனிப்பாறைகள் எதுவும் உருகவில்லை. இருப்பினும், அவ்வளவு பெரிய இமயமலையைக் கண்காணிக்க ஒரே ஒரு ஆய்வு நிலையம் தான் இருக்கிறது.
ஆய்வுக்கான தரவுகள் நம்மிடம் போதுமான அளவு இல்லை. அலாஸ்கா கடல் மட்டத்தில் உள்ளது. இமயமலை கடல் மட்டத்திலிருந்து பல மடங்கு உயரத்தில் இருக்கிறது. இருநிலைகளிலும் வெப்பமயமாதல் பிரச்னை வித்தியாசமான விளைவுகளை ஏற்படுத்தி வருகிறது. இமயமலை உருகுவது வடமாநிலங்களுக்கு பெரும் ஆபத்தாக முடியும்' என்றார்.
பருவநிலை மாற்றப் பிரச்னைக்காக பலநாடுகள் பங்கு பெற்றுள்ள ஐ.நா.,வின் உயரமைப் பின் தலைவரான டாக்டர் பச்சோரி, இது குறித்து அளித்த இறுதி அறிக்கையில், "இமயமலைப் பனிப்பாறைகள் உலகின் பிற பகுதிகளைவிட வேகமாக உருகுகின்றன.
இப்படியே போனால் 2035ல் இமயமலையே இருக்காது' என்று தெரிவித்துள்ளார்.மத்திய அமைச்சகத்தின் அறிக் கை குறித்து,"இந்த அறிக்கையின் அடிப்படையை என்னால் புரிந்து கொள்ளமுடியவில்லை. அறிக்கை வித்தியாசமான தகவல்களை அளித்துள்ளது. இது குறித்து ஆராய்ந்து வருகிறேன்' என்று கூறியுள்ளார்.

Source :Dinamalar

Anna university Rank enquiry

PART TIME B.E/B.Tech.(SS) 2009-2010 RANK ENQUIRY
இந்த இணைப்பை பயன்படுத்தி செல்லவும்
அண்ணா யுனிவெர்சிட்டி ரேங்க் என்குயரி

வரி பாக்கி ரூ.2 லட்சம் கோடி: பட்ஜெட்டில் பாதித் தொகை இது

இந்தியாவில் வரி கட்டாமல் பாக்கி வைத்திருப்பவர்களால் வரி பாக்கி இப்போது இரண்டு லட்சம் கோடி ரூபாயைத் தொட்டு விட்டது. இத் தொகை மத்திய அரசின் பட்ஜெட் தொகையில் பாதி என்பது குறிப் பிடத்தக்கது.

இந்தியாவில் இப்போது 324 லட்சம் பேர் வருமான வரி கட்டு கின்றனர். இவர்களில், மூன்று லட் சத்து 35 ஆயிரம் பேர் தொழிற் சாலைகள். மீதி தனிநபர். 2006ல் இத் தொகை 319 லட்சமாகவும், 2007-08ல் 336 லட்சமாகவும் இருந்தது.இந்த ஆண்டு செப்டம்பர் 30 ம் தேதி வரை வரி பாக்கியாக ஒரு லட்சத்து 85 ஆயிரம் கோடி ரூபாய் வெளியில் கிடப்பது தெரியவந் துள்ளது.தனியார் நிறுவனங்களிலிருந்து வர வேண்டிய வரி மட்டும் ஒரு லட்சத்து 33 ஆயிரம் கோடி ரூபாய். தனி நபர்களிடமிருந்து வர வேண்டிய வரி மட்டும் 65 ஆயிரம் கோடி ரூபாய்.இவற்றில், பெரும்பாலானவை சிறப்பு நீதிமன்றங்களில் போடப் பட்ட வழக்குகள்; இழுத்து மூடப் பட வேண்டிய நிலையிலுள்ள நிறுவனங்கள்; சொத்துக்களே இல்லாத நிலை அல்லது வரிக்குத் தகுந்த சொத்து இல்லாத நிலை; அல்லது வரி வசூலிக்க கோர்ட்டு களால் வழங்கப்பட்ட இடைக் கால தடை இந்தக் காரணங்களால் வரி பாக்கி அதிகரித்திருப்பதாக தகவல்கள் தெரிவிக்கின்றன. நீதிமன்றங்களில் நிலுவையில் கிடக்கும் வழக்குகளை விரைவில் முடிக்க வேண்டும் என்று நீதித் துறையைக் கேட்டுக் கொண்டுள்ளது

Source :http://www.dinamalar.com

விண்வெளியில் ஆக்சிஜன் பெறும் படங்கள்

விண்வெளியில் ஆக்சிஜன் பெறும் படங்கள்

காட்பரி நிறுவனத்தை வாங்க கடும் போட்டி

பிரிட்டிஷின் புகழ்பெற்ற சாக்லேட் தயாரிப்பு நிறுவனமான காட்பரி விற்பனைக்கு வருகிறது. இதனை வாங்க சர்வதேச நிறுவனங்கள் போட்டி போடுகின்றன. காட்பரி நிறுவனத்துக்கு 16.5 பில்லியன் டாலர் வரை தர க்ராப்ட் புட்ஸ் முன்வந்துள்ளது. ஆனால் இப்போது அமெரிக்காவின் ஹெர்ஷே நிறுவனமும் களத்தில் குதித்துள்ளதால், போட்டி கடுமையாகியுள்ளது. க்ராப்ட் புட்ஸ் நிறுவனத்தைவிட 0.5 பில்லியன் டாலர் அதிகம் தர ஹெர்ஷே முன் வந்துள்ளது. ஆனால் இதுகுறித்து இன்னும் வாய்திறக்காமல் உள்ளது காட்பரி. இந்நிலையில் காட்பரியை வாங்க தங்களுக்கும் விருப்பமுள்ளது என்று அறிவித்துள்ளது புகழ்பெற்ற நெஸ்லே நிறுவனம். காட்பரி நிறுவனத்தை வாங்க நெஸ்லே, 18 பில்லியன் டாலர் வரை தரவும் தயாராக இருப்பதாகக் கூறப்படுகிறது

Source :http://www.dinamalar.com/